Doctrina y Citas
Día 19º
“Vós tende moito coidado, porque vos entregarán ós tribunais e mais ás sinagogas, zorregaranvos duro e hanvos levar ante reis e gobernadores pola miña causa; así daredes testemuño ante eles” (Mc 13, 9)
Neste campo sería
importante coordinar esforzos e mirarmos máis alá da nosa propia
casa, e abrírmonos á colaboración con aqueles que comparten os
mesmos obxectivos. A Igrexa está chamada a inquietar unha sociedade
tantas veces esclerotizada, apática e deshumanizada, aportando a luz
da súa referencia escatolóxica, inquietando conciencias coa súa
denuncia profética das situacións de inxustiza ou abandono e sendo
fonte constante de sentido e significado na loita común por un mundo
mellor. Por outra parte, a súa real encarnación en fidelidade ó
Evanxeo é tamén camiño para ela mesma de sanación das súas
fallas de vitalidade e desa mundanidade espiritual denunciada polo
Papa Francisco.